راولپنڈی انتظامیہ کی جانب سے پلاسٹک شاپنگ بیگز فروخت کرنیوالوں کیخلاف کریک ڈائون کیا گیا ، اس دوران ضلعی انتظامیہ نے 1754 کلو پلاسٹک کے تھیلے ضبط کرلئے۔ اے سی حاکم خان کا اس حوالے سے کہنا ہے کہ پلاسٹک بیگز فروخت کرنے والے ڈیلرز پر 85 ہزار روپے جرمانہ عائد کیا گیا ہے، پلاسٹک بیگزفروخت کرنیوالے3 ہول سیل ڈیلرز کی دکانیں بھی سیل کردی گئی ہیں۔حاکم علی کے مطابق 41 ہول سیلرز ڈیلرز نے محکمہ ماحولیات میں رجسٹریشن کرائی ہے، 75 مائیکرون سے کم پلاسٹک شاپنگ بیگز پر پابندی عائد ہے۔ ان کا مزید کہنا تھا کہ پلاسٹک شاپنگ بیگز کے استعمال کیخلاف کریک ڈائون کا سلسلہ مرحلہ وار جاری رہے گا۔

کریڈٹ : انڈیپنڈنٹ نیوز پاکستان-آئی این پی