تحریک انصاف کے رہنما شہبازگل نے کہا ہے کہ عدالت کے معاملات کو عدالت میں ہی رہنا چاہیے، گزشتہ دس دنوں میں میری تقریبا 4 پیشیاں ہو چکی ہیں، اسلام آباد کچہری میں میڈیا سے گفتگو کرتے ہوئے انہوں نے کہا کہ گزشتہ 72 گھنٹوں سے پاکستان میں تماشا دیکھا جارہا ہے، رانا ثنا اللہ نے مال بنایا، کرپشن کی اور دھوکا دیا، آپ کے سامنے ہے کہ تھانہ کوہسار وارنٹ گرفتاری پر تعمیل نہیں کروا رہا، دو مختلف پاکستان دکھائی دے رہے ہیں، مجھے ہتھکڑیاں لگا کر اسلام آباد کچہری لایا جاتا تھا۔ اس توہین کا کسی نہ کسی نے تو حساب دینا ہے، اگر کوئی حساب نہیں دیگا تو یاد رکھیں اللہ کی لاٹھی بے آواز ہے وہ خود حساب لے گا۔

کریڈٹ: انڈیپنڈنٹ نیوز پاکستان-آئی این پی