وزیر داخلہ رانا ثنا اللہ انسداد دہشتگردی کی خصوصی عدالت گوجرانوالا میں پیش ہوگئے، پیشی کے موقع پر سکیورٹی کے انتہائی سخت انتظامات کئے گئے۔ رانا ثنا اللہ کے خلاف گجرات کے تھانہ انڈسٹریل اسٹیٹ میں درج گوجرانوالا کی خصوصی عدالت میں چیف سیکرٹری اور سرکاری افسران کو دھمکیاں دینے کے مقدمے کی سماعت ہوئی۔ گزشتہ سماعت میں عدالت نے رانا ثنا اللہ کو بذریعہ پولیس طلبی کا نوٹس جاری کیا تھا۔ عدالت نے رانا ثنا اللہ کے ساتھ ان کے ضمانتی رانا سعد کو بھی نوٹس جاری کرتے ہوئے 25 جولائی کو طلب کیا تھا۔ وزیر داخلہ رانا ثنا اللہ کے خلاف مقدمہ انسداد دہشت گردی کی دفعات کے تحت 5 اگست 2022 کو ق لیگ کے مقامی رہنما شاہ کار اسلم کی مدعیت میں درج کیا گیا تھا۔

کریڈٹ: انڈیپنڈنٹ نیوز پاکستان-آئی این پی