پتوکی میں نجی بینک کے ملازم کے اندھے قتل کا ڈراپ سین ہوگیا جس میں قاتل بھتیجا نکلا۔پولیس کے مطابق پتوکی میں 20 جنوری کو نواحی علاقے ماجرہ گائوں کے رہائشی محمد اعظم بینک سے ڈیوٹی کے بعد واپس گھر جا رہا تھا کہ نامعلوم ملزمان نے فائرنگ کرکے اسے قتل کردیا اور واقعہ کو ڈکیتی کا رنگ دینے کی کوشش کی۔ مقتول کی بہن نازیہ تبسم کی درخواست پر پولیس نے مقدمہ درج کرکے نامعلوم ملزمان کی تلاش شروع کردی۔پولیس نے جدید اور سائنٹیفک بنیادوں پر کام کیا اور پیشہ وارانہ مہارت سے مقتول کے سوتیلے بھتیجے سمیع الرحمان اور اس کے دوست ہارون کو گرفتار کرلیا۔پولیس کا بتانا ہے کہ ملزم نے زمین ہتھیانے کے لیے اپنے دوست کے ساتھ مل کر اعظم کو فائرنگ کر کے قتل کیا۔

کریڈٹ: انڈیپنڈنٹ نیوز پاکستان-آئی این پی