لاہور ہائی کورٹ نے پرویز الٰہی، زارا الٰہی اور راسخ الٰہی کے نام پاسپورٹ کنٹرول لسٹ سے نکالنے کا حکم دے دیا۔ جسٹس شمس محمود مرزا نے سابق وزیراعلی پنجاب پرویز الہی، زارا الہی اور راسخ الہی کے نامووں کو پاسپورٹ کنٹرول لسٹ سے نکالنے کا فیصلہ سنایا۔ درخواست گزاروں کی جانب سے موقف اختیار کیا گیا تھا کہ وفاقی حکومت نے پرویز الہی، زارا الہی کا نام غیر قانونی طور پر پی سی ایل میں شامل کیا ہے۔ عدالت سے استدعا کی گئی تھی کہ نام خارج کرنے کا حکم دیا جائے۔ دوسری جانب پنجاب اسمبلی میں غیرقانونی بھرتیوں کے کیس میں پرویز الہی نے عدالت میں حاضری سے استثنا کی درخواست دیدی۔ اینٹی کرپشن عدالت لاہور میں پنجاب اسمبلی میں مبینہ غیر قانونی بھرتیوں کے مقدمے کی سماعت ہوئی، جس میں پرویز الہی کے وکیل نے سابق وزیراعلی کی ایک روزہ حاضری معافی کی درخواست دائر کر دی۔

کریڈٹ: انڈیپنڈنٹ نیوز پاکستان-آئی این پی