پاکستان مسلم لیگ لاہور کے جنرل سیکرٹری محمد ندیم پہلوان نے کہا ہے کہ حکومت پیٹرولیم مصنوعات کی قیمتوں میں کمی کا فائدہ عوام تک منتقل کرے ، پیٹرولیم کی قیمتیں بڑھنے کے فوری بعد تو ہر طرح کی اشیاء کی قیمتیں بڑھ جاتی ہیں لیکن کم ہونے کی صورت میں تاجرقیمتوں میں ردو بدل نہیں کرتے ۔ اپنے بیان میں ندیم پہلوان نے کہا کہ حکومت اس حوالے سے موثر میکنزم لائے تاکہ مہنگائی کے مارے عوام کو ریلیف مل سکے ، مارکیٹوں ، بازاروں اور گلی محلوں میں گراں فروشی روکنے کے لئے پیٹرولنگ کا موثر نظام لایا جائے ۔ انہوں نے مزید کہا کہ پاکستان مسلم لیگ چوہدری شجاعت حسین کی قیادت میں عوام کے حقوق کے لئے آواز بلند کرتی رہے گی ، وفاقی اور پنجاب حکومت عوام کو ریلیف دینے کے لئے ہر ممکن اقدامات کر رہی ہے جس کے بہت جلد مثبت نتائج سامنے آئیں گے۔

کریڈٹ: انڈیپنڈنٹ نیوز پاکستان-آئی این پی