سابق ڈپٹی سپرنٹنڈنٹ جیل اڈیالہ محمد اکرم لاپتہ کیس کی سماعت لاہور ہائیکورٹ راولپنڈی بنچ کے جج جسٹس رضا قریشی نے کی۔ایڈیشنل اٹارنی جنرل نے موقف اپنایا کہ ڈپٹی سپرنٹنڈنٹ جیل آئی ایس آئی یا ایم آئی کی تحویل میں نہیں، اس موقع پر سی پی او نے بھی جیل با رے لاعلمی کا بیان حلفی جمع کرا دیا۔وزارت دفاع کی طرف سے بھی عدالت میں تحریری بیان داخل کیا گیا۔ڈپٹی سپرینٹڈنٹ پولیس، آئی بی سمیت دیگر اعلی حکام نے اپنے بیانِ حلفی جمع کروایا اور کہا کہ ڈپٹی سپرنٹنڈنٹ جیل اڈیالہ محمد اکرم کسی بھی صوبائی یا وفاقی ایجنسی کی تحویل میں نہیں ہیں۔عدالت نے سی پی او کو کیس بابت سپرنٹنڈنٹ جیل اڈیالہ کا بیان ریکارڈ کرنے کا حکم دیا اور کیس کوخود دیکھنے کی ہدایت کی۔کیس کی ایف آئی آر درج ہوگی کیا اب یہ پٹیشن مزید سماعت قابل ہے؟ پٹیشنر سے دلائل طلب کرتے ہوئے سماعت 27 اگست تک ملتوی کردی گئی۔اس موقع پر تمام ایجنسیوں کے نمائندے سرکاری وکلا پٹیشنر بھی کمرہ عدالت موجود تھے۔

کریڈٹ: انڈیپنڈنٹ نیوز پاکستان-آئی این پی