وزیر اطلاعات سندھ شرجیل میمن نے کہا ہے کہپاکستان کو کمزور کرنے کے لئے عالمی سازش ہو رہی ہے اور پی ٹی آئی پاکستان کو بدنام کرنے کی عالمی سازش کا حصہ ہے،پی ٹی آئی کی دشمنی پاکستان سے ہے اور ان کا مقصد ملک میں انتشار پھیلانا ہے۔ کراچی میں نیب کورٹ میں پیشی کے موقع پر میڈیا سے گفتگو کرتے ہوئے شرجیل میمن کا کہنا تھا کہ پی ٹی آئی ملک میں انارکی چاہتی ہے، ان کی دشمنی کسی ادارے یا سیاسی جماعت سے نہیں پاکستان سے ہے، یہ انٹرنیشنل لابیز کے ذریعے مہم چلا رہے ہیں۔انہوں نے کہا کہ پی ٹی آئی پاکستان کو بدنام کرنے کی عالمی سازش کا حصہ ہے، ان کی کوشش کامیاب نہیں ہوگی، پی ٹی آئی نے اسلام آباد میں نعشوں کا جھوٹا بیانیہ بنایا، احتجاج کے لئے خیبرپختونخوا حکومت نے سرکاری وسائل کا استعمال کیا۔پی ٹی آئی لاشوں کی سیاست کر رہی ہے، اربوں روپے سے لابنگ کرنے والے دنیا بھر میں پاکستان کو بدنام کرنے کی کوشش کر رہے ہیں۔ان کا کہنا تھا کہ یہ لوگ جھوٹ کا سارا پروپیگنڈا سوشل میڈیا سے شروع کرتے ہیں، یہ پاکستان کو پوری دنیا میں متازعہ بنانے کی کوشش کرتے ہیں۔

وزیر اطلاعات سندھ نے واضح کیا کہ پاکستان پیپلز پارٹی کی دشمنی کسی بھی ادارے یا سیاسی جماعت سے نہیں ہے بلکہ پی ٹی آئی کا ہدف صرف کپتان ہے۔شرجیل میمن نے الزام لگایا کہ ملک کو کمزور کرنے کے لیے اربوں روپے لابنگ کے ذریعے دیے جا رہے ہیں اور اسکرپٹ ملک کو بدنام کرنے کی عالمی سازش کا حصہ ہے۔ انہوں نے کہا کہ تحریک انصاف کی دشمنی پاکستان سے ہے اور ان کا مقصد ملک میں انتشار پھیلانا ہے۔شرجیل میمن نے کہا کہ پی ٹی آئی رہنما صرف بڑھکیں مارتے ہیں، علی امین گنڈاپور اور بشری بی بی سب سے پہلے میدان چھوڑ کر بھاگ گئے، گنڈاپور کا بیان ریاست سے بغاوت کا پیغام ہے وہ ریاست کے بجائے دہشتگردوں سے لڑیں۔ انکے رہنمائوں کے بیانات میں تضاد ہے ۔صوبائی وزیر کا مزید کہنا تھا کہ چیلنجز کے باوجود حکومت عوام سے کئے گئے وعدے پورے کر رہی ہے، سندھ میں 10 ہزار افراد کو آئی ٹی کورسز کرائے جا رہے ہیں اور 21 لاکھ بے گھر افراد کو گھر بنا کر دے رہے ہیں، کراچی میں ترقیاتی کام تیزی سے جاری ہیں، جن میں اربوں روپے کے 2 بڑے پراجیکٹس شامل ہیں۔

کریڈٹ : انڈیپنڈنٹ نیوز پاکستان-آئی این پی