ڈپٹی چیئرمین سینیٹ سیدال خان سینیٹ فنکشنل کمیٹی برائے کم ترقی یافتہ علاقہ جات کے مسائل کے چیئرمین سینیٹر شاہ زیب دورانی کی والدہ کے انتقال پر پارلیمنٹ لاجز میں ان کی رہائش پر فاتحہ خوانی اور اظہار تعزیت کے لیے سینیٹر جان محمد جان بلیدی، رکن قومی اسمبلی پلین بلوچ و دیگر قبائلی عمائدین کے ہمراہ تشریف لے گئے۔ ڈپٹی چیئرمین سینیٹ سیدال خان نے سینیٹر شاہزیب دورانی سے ان کی والدہ کے انتقال پر اظہار افسوس کرتے ہوئے مرحومہ کی مغفرت کے لیے دعا کی۔ ڈپٹی چیئرمین سینیٹ نے کہا کہ دکھ کی اس گھڑی میں ہم سب ان کے ساتھ ہیں اللہ تعالی مرحومہ کی مغفرت اور جنت میں اعلی مقام عطا کرے۔ ڈپٹی چیئرمین سینیٹ نے کچھ وقت غمزدہ خاندان کے ساتھ بھی گزارا اور مرحومہ کے درجات کی بلندی کی دعا بھی کی۔

کریڈٹ: انڈیپنڈنٹ نیوز پاکستان-آئی این پی