امریکی محکمہ خارجہ نے پاکستان کا سفر کرنے کے خواہشمند امریکی شہریوں کو اپنے منصوبوں پر نظرثانی کرنے کا مشورہ دیا ہے۔میڈیارپورٹ کے مطابق یہ انتباہ جاری کی گئی ٹریول ایڈوائزری اپ ڈیٹ میں دیا گیا۔ امریکی حکام کے مطابق پاکستان میں جرائم، سول بدامنی، دہشتگردی، اغوا کے خطرات کے باعث امریکی شہریوں کو محتاط رہنے کی ضرورت ہے۔ امریکی محکمہ خارجہ نے پاکستان کو لیول 3 (Reconsider Travel) کیٹیگری میں رکھا ہے۔ جس کا مطلب ہے کہ یہاں سکیورٹی کے سنگین خطرات لاحق ہو سکتے ہیں اور دہشتگرد حملے بغیر کسی پیشگی اطلاع کے ہو سکتے ہیں۔ ایڈوائزری کے مطابق دہشتگرد حملوں کے ممکنہ اہداف میں ٹرانسپورٹ کے مراکز، ہوٹلز اور مارکیٹس، شاپنگ مالز ، فوجی اور سیکیورٹی تنصیبات شامل ہیں۔ دوسری طرف ہوائی اڈے اور ریلوے اسٹیشن، سکول، ہسپتال، عبادت گاہیں، سیاحتی مقامات اور سرکاری عمارتیں شامل ہو سکتی ہیں۔

کریڈٹ: انڈیپنڈنٹ نیوز پاکستان-آئی این پی