ورلڈبینک نے پاکستان میں معاشی استحکام کا اعتراف کرتے ہوئے پاکستان کیساتھ سی پی ایف کے تحت 20 ارب ڈالر کے معاہدے کا اعلان کردیا ۔جاری بیان کے مطابق ورلڈ بینک کے کنٹری ڈائریکٹربرائے پاکستان ناجے بنحیسن نے کہا کہ پاکستان میں معاشی استحکام مضبوط ہو رہا ہے جس سے پاکستان کیلئے 10 سالہ ترقیاتی منصوبے کے معاہدے پر دستخط کرنے کا مناسبب موقع آیا۔ انہوں نے کہا کہ یہ منصوبہ نئے کنٹری پارٹنرشپ فریم ورک کے تحت 20 ارب ڈالر کے ترقیاتی قرضے پر مشتمل ہوگا۔ پاکستان کے ساتھ کنٹری پارٹنرشپ فریم ورک کا اعلان گزشتہ ماہ کیا گیا تھا۔ناجے بنحیسن کا کہنا تھا کہ اس فنڈنگ کا استعمال صاف توانائی اور ماحولیاتی بحالی جیسے شعبوں میں کیا جائے گا جب کہ منصوبے کا آغاز سال 2026 سے ہوگا۔ یہ ورلڈ بینک اور پاکستان کے درمیان شراکت داری کا اہم لمحہ ہے، اس وقت پاکستان استحکام کی جانب گامزن ہے۔انہوں نے مزید کہا کہ ترقی کیلئے طویل المدتی منصوبے تشکیل دئیے جا رہے ہیں اور یہ پلان ورلڈ بینک گروپ کی ترجیحات سے ہم آہنگ ہیں۔

کریڈٹ: انڈیپنڈنٹ نیوز پاکستان-آئی این پی