امریکی نائب وزیر خارجہ برائے جنوبی اوروسطی ایشیا ڈونلڈ لو نے کہا ہے کہ پاکستان معاشی بحالی کے راستے پر گامزن ہے، امریکا چاہتا ہے کہ پاکستان کامیاب ہو۔ انہوں نے یہ بات ایک انٹرویو میں کہی۔ڈونلڈ لونے کہا کہ پاکستان معاشی بحالی کے راستے پرگامزن ہے، پاکستان جس معاشی بحالی سے گزر رہا ہے اس سے ہمیں بہت حوصلہ ملا ہے۔انھوں نے بتایا کہ وزیر خزانہ اورنگزیب سے تفصیلی ملاقات ہوئی، ملاقات میں معاشی منصوبے اوراصلاحات سے متعلق جاننے کا موقع ملا، یہ منصوبے آسان نہیں لیکن یہ پاکستان کا مستقبل ہے،ان منصوبوں سے پاکستان اپنی معیشت کو مستحکم کرے گا۔ امریکی نائب وزیر خارجہ برائے جنوبی اور وسطی ایشیا کا کہنا تھا کہ معیشت کی بحالی نہ صرف نوجوانوں بلکہ تمام پاکستانیوں کے فائدہ مند ہے، انسداد دہشتگردی کی کوششیں میں فوج اور حکومت پاکستان کا ساتھ دے رہے ہیں، امریکا چاہتا ہے کہ پاکستان کامیاب ہو۔انھوں نے کہا کہ شہباز شریف کی حکومت سے ہمارے گہرے تعلقات ہیں، ہمارا پاکستانی عوام سے بہت گہرا رشتہ ہے۔

کریڈٹ: انڈیپنڈنٹ نیوز پاکستان-آئی این پی