پاکستان کوسٹ گارڈز نے گوادر میں کارروائی کرتے ہوئے 3 ملین ڈالر سے زائد مالیت کی منشیات برآمد کر لی۔تفصیل کے مطابق پاکستان کوسٹ گارڈز نے انٹیلی جنس بنیاد پر اوتھل کے علاقے گڈانی میں کارروائی کرتے ہوئے عمارت میں چھپائی گئی اعلی کوالٹی کی نشیات برآد کرلی ۔ڈی جی کوسٹ گارڈز کے مطابق عمارت میں چھپائی گئی 200 کلو گرام اعلی کوالٹی کی منشیات برآمد کرلی گئی ہے، پکڑی جانیوالی منشیات کی عالمی مارکیٹ میں مالیت 3.3 ملین ڈالر ہے۔ترجمان کوسٹ گارڈ کا کہنا ہے کہ خدشہ ہے کہ یہ منشیات اندرون ملک اسمگل ہونا تھی، واضح رہیکہ پاکستان کوسٹ گارڈز ہر طرح کی منشیات اور اسمگلنگ کی روک تھام کی کوشش کرتے ہوئے ملکی معیشت کو مستحکم کرنے میں اپنا کردار ادا کرتی رہے گی۔

کریڈٹ: انڈیپنڈنٹ نیوز پاکستان-آئی این پی