چین میں پاکستانی سفیر معین الحق نے موسمیاتی تبدیلی کے اثرات کو کم کرنے کے لیے فعال اور بین الاقوامی تعاون کی فوری ضرورت پر زور دی یتے ہوئے کہا ہے کہ پاکستان میں 33 ملین سے زیادہ لوگ ملک بھر میں شدید بارشوں اور تباہ کن سیلاب سے متاثر ہوئے، لاکھوں لوگوں کو فوری طور پر انسانی امداد کی ضرورت ہے۔چائنا اکنامک نیٹ کے مطابق چائنہ بائیو ڈائیورسٹی کنزرویشن اینڈ گرین ڈیولپمنٹ فانڈیشن (سی بی سی جی ڈی ایف) اور چین میں پاکستانی سفارت خانے کی مشترکہ میزبانی میں چیریٹی ایونٹس کے سلسلے کی ایک آن لائن تقریب کا انعقاد کیا گیا۔ تقریب کے دوران چین میں پاکستانی سفیر معین الحق نے موسمیاتی تبدیلی کے اثرات کو کم کرنے کے لیے فعال اور بین الاقوامی تعاون کی فوری ضرورت پر زور دیا۔ انہوں نے کہا جون کے وسط سے پاکستان میں 33 ملین سے زیادہ لوگ ملک بھر میں شدید بارشوں اور تباہ کن سیلاب سے متاثر ہوئے ہیں، جس سے لاکھوں لوگوں کو فوری طور پر انسانی امداد کی ضرورت ہے۔ چائنا اکنامک نیٹ کے مطابق انہوں نے کہا یہ تباہی واقعی پیمانے اور وسعت کے لحاظ سے بے مثال تھی۔

تاہم، اس مشکل وقت میں بین الاقوامی ہمدردی اور حمایت کا اظہار بہت ولولہ انگیزتھا۔ اس کا ایک مظہر حال ہی میں جنیوا میں ہونے والی کلائمیٹ ریسیلینٹ پاکستان کانفرنس تھی، جہاں ہم نے مضبوط حمایت اور پاکستان کے ساتھ عالمی برادری کی یکجہتی دیکھی۔ چائنا اکنامک نیٹ کے مطابق چین ہمیشہ سے پاکستان کا بہت مضبوط حامی اور شراکت دار رہا ہے۔ چین امدادی پیکج کا اعلان کرنے والے سرفہرست ممالک میں سے ایک تھا اور آج سب سے بڑے عطیہ دہندگان میں سے ایک ہے،'' حق نے اظہار تشکر کیا اور تمام شعبہ ہائے زندگی سے تعلق رکھنے والے چینی دوستوں سے مطالبہ کیا کہ پاکستان میں مصیبت زدہ لوگوں، اور ان کے گھروں کی تعمیر نو اور ان کی زندگیوں کی بحالی میں ان کی مدد کریں۔ چائنا اکنامک نیٹ کے مطابق عالمی تعاون کے ذریعے ماحولیاتی لچک کو بڑھانے اور ثقافتی تبادلوں کو فروغ دینے کے لیے مہم سے خطاب کرتے ہوئے سی بی سی جی ڈی ایف کے سیکرٹری جنرل ڈاکٹرچا جن فینگ نے مشترکہ مستقبل کے لیے ایک ماحولیاتی تہذیب کی تشکیل میں عالمی تعاون کی اہمیت کا اعادہ کیا۔ چائنا اکنامک نیٹ کے مطابق آج کل موسمیاتی تبدیلی ایک عالمی خطرہ ہے۔ گزشتہ 200 سالوں میں، انسانی صنعتی تہذیب کی ترقی کے انداز نے گلوبل وارمنگ کو جنم دیا ہے اور بالآخر پاکستان میں سیلاب سمیت کئی آفات کا باعث بنی ہے۔

موسمیاتی تبدیلی کے منفی اثرات کو کم کرنے کے لیے ہم میں سے ہر ایک کا فرض اور ذمہ داری ہے کہ ہم مل کر کام کریں۔ چائنا اکنامک نیٹ کے مطابق چا نے مزید کہا ہم انسان ایک مشترکہ مستقبل کی کمیونٹی میں رہتے ہیں۔ ہم تباہی کے بعد پاکستان کی زمین اور رہائش کو بحال کرنے میں مدد کر رہے ہیں، جو ہمارے سیارے اور انسانی رہائش گاہ کی لچک کو بھی از سر نو تعمیر کر رہا ہے۔ چائنا اکنامک نیٹ کے مطابق چین میں یو این ایچ سی آر کے نمائندے وینو نوپیچ نے اپنے تبصرے میں کہا کہ موسمیاتی تبدیلیاں بے گھر ہونے، غربت میں اضافہ، خوراک کی عدم تحفظ، پانی کی قلت، اور قدرتی وسائل تک رسائی کو بڑھا رہی ہیں جن پر کمیونٹیز اپنی بقا کے لیے انحصار کرتی ہیں۔ انہوں نے لاکھوں پناہ گزینوں کو انسانی امداد اور تحفظ فراہم کرنے میں پاکستان کی فراخدلی کو بھی سراہا اور موسمیاتی تبدیلی سے نمٹنے کے لیے بین الاقوامی یکجہتی کی ضرورت کو اجاگر کیا۔ چائنا اکنامک نیٹ کے مطابق بین الاقوامی تنظیموں، چینی تھنک ٹینکس، این جی اوز، اور یوتھ لیگز کے اراکین نے تقریب میں شرکت کی اور موسمیاتی تبدیلیوں کے اثرات کو کم کرنے اور گزشتہ موسم گرما کے تباہ کن سیلاب کے بعد پاکستان کی تعمیر نو میں مدد کے لیے فعال اقدام پر زور دیا۔

کریڈٹ: انڈیپنڈنٹ نیوز پاکستان-آئی این پی