پاکستان نے سوڈان میں فوری جنگ بندی اور تنازع کے سیاسی حل پر زور دیتے ہوئے تمام فریقین سے جنگ بندی اور سیاسی مذاکرات میں شامل ہونے کا مطالبہ کر دیا ۔اقوام متحدہ میں پاکستان کے نائب مستقل مندوب عثمان جدون نے سلامتی کونسل اجلاس سے خطاب میں کہاسوڈان کی صورتحال سیانسانی مسائل اور علاقائی عدم استحکام پیدا ہوا،امن ،استحکام اور تشدد سے پاک مستقبل سوڈانی عوام کا حق ہے،پاکستان سوڈان کے اتحاد،آزادی، خودمختاری اور علاقائی سالمیت کا حامی ہے۔پاکستانی مندوب نے سوڈان میں متوازی حکومتیں قائم کرنے کی کوششوں کی مذمت کی،اورکہا اس سے ملک کے ٹکڑے ہونے کا خطرہ ہے،سوڈان میں بین الاقوامی انسانی حقوق کی خلاف ورزیاں ختم کروائی جائیں، فریقین نے جس جدہ اعلامیے پر اتفاق کیا تھا اس پرمکمل عملدرآمد ہونا چاہئے۔عالمی برادری سوڈان میں انسانی ہمدردی کی اپیلوں کی ضروریات پوری کرے،سوڈان کے عوام کو چار اعشاریہ دو ارب ڈالر کی ضرورت ہوگی۔

کریڈٹ: انڈیپنڈنٹ نیوز پاکستان-آئی این پی