پاکستان بار کونسل نے سنی اتحاد کونسل کی مخصوص نشستوں کے کیس میں چیف جسٹس پاکستان قاضی فائز عیسی کے بنچ سے الگ ہونے کے مطالبے کی مذمت کی ہے۔ اعلامیے میں کہا گیا ہے کہ پی ٹی آئی کا چیف جسٹس قاضی فائز عیسی سے کیس نہ سننے کا مطالبہ قابلِ مذمت ہے۔ پاکستان بار کونسل کے اعلامیے کے مطابق پی ٹی آئی کا یہ مطالبہ چیف جسٹس پاکستان قاضی فائز عیسی کو دباو میں لانے کے مترادف ہے، بنچ کی تشکیل اب چیف جسٹس کے بجائے ججز کمیٹی کرتی ہے۔ اعلامیے میں مزید کہا ہے کہ چیف جسٹس قاضی فائز عیسی ایک ایماندار اور انتہائی قابل جج ہیں، وکلا برادری چیف جسٹس قاضی فائز عیسی سمیت پوری عدلیہ کے ساتھ کھڑی ہے۔

کریڈٹ: انڈیپنڈنٹ نیوز پاکستان-آئی این پی