حکومت پاکستان کا برادر اسلامی ممالک ترکیہ اور شام کے زلزلہ متاثرین کو امدادی سامان کی فراہمی کا مشن پاک بحریہ نے43روز میں مکمل کرلیا،وزیراعظم پاکستان نے ترکیہ اور شام کے لیے فوری امدادی سامان کی ترسیل کی ہدایت کی، پاک بحریہ کے دو بڑے جہازوں نے اس مشن میں ہزاروں ٹن غذائی اشیا، ادویات، خیمے اور دیگر سامان متاثرین تک پہنچا کر مشن مکمل کیا،مشن کمانڈر کموڈور سہیل عزمی کا کہنا تھا کہ پی این ایس نصر اور پی این ایس معاون کے امدادی مشن میں شام اور ترکیہ کی ضروریات کے مطابق اشیا فراہم کی گئیں،کیپٹن محمد عبداللہ صدیقی سی او معاون نے کہاکہ مصیبت کی گھڑی میں دنیا کے ممالک کی امداد اور نیول ڈپلومیسی نے پاکستان کی ترقی اورمثبت کردار کو اجاگر کیا ہے۔، واضح رہے کہ ترکیہ اور شام میں اس سال تباہ کن زلزلے سے بڑے پیمانے پر تباہی ہوئی جس میں ہزاروں افراد لقمہ اجل بن گئے جب کہ لاکھوں متاثرین مدد کے منتظر تھے۔

کریڈٹ: انڈیپنڈنٹ نیوز پاکستان-آئی این پی