پاک بحریہ کے جہاز پی این ایس سیف کا رائل عمان بحریہ کے جہاز السیب اور اسپین بحریہ کے جہاز سانتا ماریاکی مشترکہ بحری مشقوں کا انعقاد کیا گیا ۔پاک فوج کے شعبہ تعلقات عامہ (آئی ایس پی آر )کے مطابقپاک بحریہ اور رائل عمان بحریہ کے مابین مشق پاکستان کی زیر قیادت کمبائنڈ ٹاسک فورس 150 کے فوکسڈ آپریشن قراقرم ریزولو کے دوران منعقد کی گئی-فوکسڈ آپریشن میں پاکستان میری ٹائم سیکیورٹی ایجنسی کے جہاز کشمیر نے بھی حصہ لیا-پاک بحریہ اور رائل عمان بحریہ کے مابین دوطرفہ بحری مشق ثمر الطیب کا انعقاد بھی باقاعدگی سے کیا جاتا ہے-پی این ایس سیف نے اسپین بحریہ کے جہاز سانتا ماریا کے ساتھ بھی دو طرفہ مشق کا انعقاد کیا-مشقوں کا مقصد، خطہ میں موجود بحری افواج کے درمیان ہم آہنگی کو فروغ دینا تھا-پاک بحریہ دیگر بحری افواج کے ساتھ علاقائی امن و استحکام کے لیے مل کر کام کرتی ہے-

کریڈٹ : انڈیپنڈنٹ نیوز پاکستان-آئی این پی