پاکستان آرمی اور چین کی پیپلز لبریشن آرمی نے مشترکہ مشق وارئیر8 کا انعقاد کیا۔پاک فوج کے شعبہ تعلقات عامہ (آئی ایس پی آر )کے مطابق پاک آرمی اور چین کی پیپلز لبریشن آرمی کی مشترکہ مشق 19 نومبر سے 11 دسمبر تک جاری رہنے کے بعد اختتام پذیر ہوگئیں ۔ تین ہفتے تک جاری رہنے والی یہ مشق انسداد دہشت گردی کے شعبے میں دونوں ممالک کے درمیان ہونے والی آٹھویں سالانہ مشق ہے ۔مشقوں کے دوران معزز ین وزیٹرز ڈے کی تقریب 10 دسمبر کو ٹلہ فیلڈ فائرنگ رینج میں منعقد ہوئی۔ شرکا نے ٹلہ فیلڈ فائرنگ رینج کا دورہ کیا۔ تقریب کے مہمانِ خصوصی کمانڈر راولپنڈی کور، لیفٹیننٹ جنرل شاہد امتیاز، ہلالِ امتیاز ( ملٹری) تھے۔ چین کے سفیر اور دیگر اعلی حکام بھی تقریب میں موجود تھے۔تقریب کے دوران معززین نے مشق کے دوران فوجی دستوں کی پیشہ ورانہ مہارت اور بلند معیار کو سراہا۔ یہ مشق دونوں ممالک کے درمیان دفاعی تعاون اور شراکت داری کو مزید مضبوط بنانے کی علامت ہے۔

کریڈٹ : انڈیپنڈنٹ نیوز پاکستان-آئی این پی