وزیراعظم شہباز شریف کی طبیعت ناساز ہونے کے باعث انسداد دہشت گردی کے لیے نیشنل ایکشن پلان پر عمل درآمد سے متعلق نیشنل ایکشن پلان کی ایپکس کمیٹی کا پیر کو ہونے والا اجلاس موخر کردیا گیا ۔ذرائع کے مطابق ڈاکٹر زنے بخار اور چیسٹ انفیکشن کی شکایت پر دو روز قبل وزیر اعظم کو مکمل آرام کا مشورہ دیا تھا۔ وزیر اعظم کے دوبارہ چیک اپ کے بعد آئندہ کی میٹنگز طے کی جائیں گی۔ اجلاس کی نئی تاریخ اور وقت کا تعین جلد کیا جائے گا۔واضح رہے کہ وزیر اعظم شہباز شریف کی زیر صدارت پیر کو بلائے گئے اجلاس میں اعلی عسکر ی قیادت، صوبائی وزرائے اعلی، انٹیلی جنس اداروں کے سربراہان کو بھی شرکت کی دعوت دی گئی تھی، اجلاس میں امن وامان کی مجموعی صورتحال کا تفصیلی جائزہ لیا جانا تھا۔ ۔خیبر پختونخوا اور بلوچستان میں دہشت گردی کے بڑھتے واقعات کی وجوہات کا جائزہ لیے جانے سمیت اہم فیصلوں کی منظوری بھی دی جانی تھی۔

کریڈٹ: انڈیپنڈنٹ نیوز پاکستان-آئی این پی