وزیراعظم شہباز شریف نے لکی مروت میں پولیس حملے پرشدید مذمت کرتے ہوئے کہا ہے کہ دہشت گرد پاکستان کے دشمن ہیں،پورا پاکستان دہشتگردی کے خلاف سیسہ پلائی دیوار ثابت ہوگا،پولیس نے دہشتگردی کے خلاف ہر اول دستے کا قابل فخر کردار ادا کیا ہے۔بدھ کے روز لکی مروت میں پولیس حملے پر وزیراعظم شہباز شریف نے شدید مذمت کی، وزیراعظم شہباز شریف نے شہداء کے لواحقین سے اظہار افسوس اور تعزیت کا اظہار کیا۔ وزیراعظم شہباز شریف کا کہنا تھا کہ مادر وطن پر جان قربان کرنے والے بیٹوں کو پوری قوم سلام پیش کرتی ہے،دہشت گرد پاکستان کے دشمن ہیں،حملہ آور عناصر سیاسی مفادات کی خاطر جمہوریت ، اداروں اور سماجی و سیاسی تانے بانے کو تباہ کرنے پر تلے ہیں۔ انہوں نے کہا کہ پورا پاکستان دہشتگردی کے خلاف سیسہ پلائی دیوار ثابت ہوگا،پولیس نے دہشتگردی کے خلاف ہر اول دستے کا قابل فخر کردار ادا کیا ہے۔ ان کا مزید کہنا تھا کہ خیبر پختوانخوا حکومت شہداء کو اعزازات اور شہداء پیکج دے، شہداء کے اہلخانہ سے ہمدردی کا اظہار کرتے ہیں۔

کریڈٹ: انڈیپنڈنٹ نیوز پاکستان-آئی این پی