وزیراعظم پاکستان میاں محمد شہباز شریف سے چیئرپرسن سی ایم ڈائریکٹوریٹ برگیڈیئر ریٹائرڈ بابر علاالدین نے اہم ملاقات کی۔ ملاقات میں نجی، سرکاری اور سیاسی امور پر تبادلہ خیال کیا گیا اور برگیڈیئر(ر)بابر علاالدین نے وزیر اعظم کو پنجاب بھر میں کیے جانے والے دوروں اور مختلف محکموں اور اضلاع کی کارکردگی سے آگاہ کیا۔ برگیڈیئر(ر)بابر علاالدین نے عوام اور ملازمین کو درپیش مسائل پر بھی تفصیلی رپورٹ دی اور ان مسائل کے حل کے لیے تجاویز بھی پیش کیں۔ واضح رہے کہ وزیراعظم سے ملاقات کے موقع پر بریگیڈیئر ریٹائرڈ بابر علاالدین کے بیٹے عبداللہ بابر بھی موجود تھے۔

کریڈٹ: انڈیپنڈنٹ نیوز پاکستان-آئی این پی