وزیراعظم شہباز شریف نے چترال میں لوڈ شیڈنگ کو کم کرنے کے لئے فی الفور اقدامات کرنے کی ہدایت کرتے ہوئے کہا ہے کہ چترال کے عوام کو مزید اندھیروں میں نہیں رکھ سکتے، چترال کے بجلی کے مسائل کے حل میں مزید تاخیر کسی صورت قبول نہیں کروں گا، وزیر اور سیکرٹری پاور پشاور میں اس پر اجلاس کرکے جلد مجھے رپورٹ دیں،شہباز شریف نے کہا کہ چترال میں بجلی کے فرسودہ ترسیلی نظام کو تبدیل کرکے فوری طور پر جدید سسٹم لگایا جائے، پاور منسٹری خیبر پختونخوا انرجی ڈویلپمنٹ آرگنائیزیشن (PEDO)سے مل کر فوری لائحہ عمل طے کرے،انہوں نے کہا کہ چترال میں ترقیاتی منصوبوں اور حکومتی اداروں میں مقامی لوگوں کو ترجیحی بنیادوں پر نوکریوں کی فراہمی یقینی بنائی جائے ، چترال میں انفراسٹرکچر کے مسائل کا فوری حل کیا جائے،وزیراعظم کا کہنا تھا کہ سیلاب زدگان کوملنے والی امداد پرفوری طورپررپورٹ پیش کی جائے، پسماندہ علاقوں کی ترقی اور وہاں کے لوگوں کو یکساں ترقی کے مواقع فراہم کرنا حکومت کی اولین ترجیح ہے۔

کریڈٹ: انڈیپنڈنٹ نیوز پاکستان-آئی این پی