وزیراعلی پنجاب مریم نے تحصیل تونسہ میں ایڈزکے سدباب کیلئے آپریشنل پلان طلب کر لیا۔وزیراعلی پنجاب کی زیر صدارت خصوصی اجلاس ہوا جس میں تحصیل تونسہ کے علاقے میں مبینہ طور پر ایڈز پھیلنے کے اسباب کا جائزہ لیا گیا۔اجلاس کے دوران وزیراعلی مریم نوازشریف نے تحصیل تونسہ میں ایڈزکے سدباب کے لئے آپریشنل پلان طلب کر لیا۔وزیراعلی کی ہدایت پر یونیسیف، ڈبلیو ایچ او اور محکمہ ہیلتھ پنجاب کا جوائنٹ مشن قائم کر دیا گیا جو ایڈز کے سدباب کیلئے 7 تا 14 اپریل متاثرہ بچوں کی ہسٹری ٹریسنگ کرے گا، جوائنٹ مشن ایڈز کنٹرول اور بچا کیلئے وزیراعلی مریم نواز کو تجاویز پیش کرے گا، مریم نواز کی ہدایت پر متاثرہ علاقوں میں ہاس ہولڈ سکریننگ بھی کی جائے گی۔مریم نواز کی ہدایت پر تونسہ تحصیل ہیڈکوارٹر ہسپتال اور دیگر طبی مراکز میں ایڈز کے علاج کیلئے خصوصی مراکز قائم کر دیئے گئے۔وزیراعلی پنجاب نے ایڈز سے متاثرہ بچوں کے مکمل فری علاج کی ہدایت کرتے ہوئے کہا کہ ایڈز سے متاثرہ بچوں کے علاج میں کوئی کمی یا کوتاہی برادشت نہیں کی جائے گی۔انہوں نے ایڈز کے پھیلا کے اسباب اور ذمہ داروں کا تعین کرنے کی ہدایت کرتے ہوئے مرض کے رسک سے بچا کیلئے موثر اور ٹھوس اقدامات کا حکم بھی دیا۔

کریڈٹ: انڈیپنڈنٹ نیوز پاکستان-آئی این پی