خیبرپختونخوا کے وزیراعلی علی امین گنڈاپور کے ترجمان نے کہا ہے کہ علی امین گنڈاپور نے وزیر داخلہ محسن نقوی سے ہاتھ ملایا، گلے لگے تو یہ خوشی سے نہیں کیا۔ترجمان وزیراعلی کے پی فراز مغل نے ایک بیان میں کہا کہ علی امین گنڈاپور صوبے کے چیف ایگزیکٹو ہیں، وزیراعلی نے امن کی خاطر اپیکس کمیٹی کا اجلاس بلایا۔انہوں نے کہا کہ وزیراعلی نے محسن نقوی سے ہاتھ ملایا، گلے لگے تو یہ خوشی سے نہیں کیا، ملک وقوم اور قیام امن کی خاطر نہ چاہتے ہوئے بھی محسن نقوی سے ملے اور شہریوں کی جان ومال کا تحفظ یقینی بنانے کیلئے وزیراعلی ملے۔ ترجمان کا کہنا تھاکہ کرم میں بچے، بوڑھے اور جوان روزانہ جاں بحق ہورہے ہیں، یہ فسادات 1970 سے جاری ہیں، شکر ادا کرنا چاہیے کہ ایسا بندہ وزیراعلی بنا جس نے قدم اٹھایا۔

کریڈٹ : انڈیپنڈنٹ نیوز پاکستان-آئی این پی