وفاقی وزیر برائے نیشنل فوڈ سیکورٹی رانا تنویر حسین نے کسانوں کی شکایات کا نوٹس لیتے ہوئے گنے کی قیمتوں سے متعلق رپورٹ پیش کرنے کی ہدایت کر دی ہے ، رانا تنویر حسین کا کہنا ہے کسانوں کااستحصال کسی قیمت پرنہیں ہونے دیاجائے گا ۔۔ تفصیل کے مطابق وفاقی وزیر رانا تنویر حسین کی زیر صدارت شوگر ایڈوائزری بورڈ کا اجلاس منعقد ہوا۔وفاقی وزیر نے ملوں کی جانب سے کسانوں کو گنے کی مناسبت قیمت ادا نہ کرنے پر کین کمشنر کو آئندہ اجلاس میں گنے کی قیمتوں سے متعلق رپورٹ پیش کر نے کی ہدایت کر دی۔ رانا تنویر حسین نے کہا کہ کسانوں کا استحصال کسی قیمت پر نہیں ہونے دیا جائے گا، شوگر ملز مالکان کاشتکاروں کو گنے کی مناسب قیمت ادا کریں، کاشتکاروں کو گنے کی فصل کا مناسب نرخ ملنا چاہیے۔ بورڈ نے ملک میں چینی کے سٹاک کی موجودہ صورتحال کا بھی جائزہ لیا۔

کریڈٹ : انڈیپنڈنٹ نیوز پاکستان-آئی این پی