83واں یوم پاکستان آج 23مارچ بروز ( جمعرات )ملی جوش وجذبے اور شایان شان طریقے کے ساتھ منایا جائے گا، اس دن کی مناسبت سے ملک بھر میںعام تعطیل کااعلان کیا گیا ہے ،تمام سرکاری و نجی عمارتوں پر قومی پرچم لہرائے جائیں گے ۔اس دن کی مناسبت سے دن کا آغاز وفاقی دارالحکومت میں 31 جبکہ صوبائی دارالحکومتوںمیں 21،21توپوںکی سلامتی سے ہوگا،نماز فجر کے اجتماعات میںملک و ملت کی سلامتی اور استحکام کیلئے خصوصی دعائیں مانگی جائیں گی اس دن کے حوالے سے اخبارات خصوصی ایڈیشن شائع کریں گے جبکہ ریڈیو پاکستان ،پی ٹی وی اور نجی ٹی وی چینلز سے بھی خصوصی دستاویزی پروگرام نشر کیے جائیں گے جس میںیوم پاکستان کی اہمیت کو اجاگر کیا جائے گا۔کراچی میں بابائے قوم قائد اعظم محمد علی جناح اور لاہور میں شاعر مشرق سر علامہ اقبال کے مزاروں پر گارڈز کی تبدیلی کی سادہ مگرپر وقار تقریبات منعقدہوںگی ۔

کریڈٹ: انڈیپنڈنٹ نیوز پاکستان-آئی این پی