ڈاکٹر سیمی جمالی کی صحت سے متعلق ان کے شوہر کا کہنا ہے کہ نجی اسپتال میں علاج سے مطمئن ہیں، علاج کیلئے بیرون ملک نہیں جارہے۔ جناح اسپتال کراچی کی سابق ایگزیکٹو ڈائریکٹر ڈاکٹر سیمی جمالی کے انتقال سے متعلق خبریں گردش رہیں تاہم اس حوالے سے ان کے شوہر کا بیان بھی سامنے آگیا۔ ڈاکٹر سیمی جمالی کے شوہر اے آر جمالی کا کہنا ہے کہ ہم نجی اسپتال میں ڈاکٹر سیمی جمالی کے علاج سے مطمئن ہیں، بیرون ملک علاج کیلئے نہیں جارہے، حکومت سندھ بھرپور تعاون کررہی ہے۔ انہوں نے کہا کہ وزیراعلی سندھ سید مراد علی شاہ کا شکر گزار ہوں وہ رابطے میں ہیں، سیمی کے علاج کے اخراجات سندھ حکومت برداشت کررہی ہے، نجی اسپتال کے تمام ڈاکٹر سیمی کے علاج پر بھرپور توجہ دے رہے ہیں۔

کریڈٹ: انڈیپنڈنٹ نیوز پاکستان-آئی این پی