مشترکہ مفادات کونسل کی جانب سے دریائے سندھ پر نئی نہریں بنانے کا منصوبہ مسترد ہونے کے بعد وکلا نے ببر لو بائی پاس کے علاوہ تمام دھرنے ختم کرنے کا اعلان کردیا۔ تفصیل کے مطابق دریائے سندھ پرنہروں کی تعمیر کا فیصلہ واپس لیے جانے کی خبر ملتے ہی منصوبے کے خلاف خیرپور ببرلو بائی پاس پر 12 روز سے دھرنے پر موجود شرکا نے جشن منایا اور خوشی کا اظہار کیا۔ آل سندھ لائرز ایکشن کمیٹی نے ببرلو بائی پاس کے سوا دیگر تمام دھر نے ختم کرنے اور 30 اپریل سے تمام کورٹس میں ہڑتال بھی ختم کرنے کا بھی اعلان کیا۔اس حوالے سے وکیل رہنما سرفراز میتلو نے کہاکہ کارپوریٹ فارمنگ پر 24 گھنٹے میں سندھ حکومت سے سکھر میں ہماری کمیٹی ملاقات کریگی جب کہ وکلا پر مقدمات ختم کرنے اور گاڑیاں لوٹانے سمیت دیگر مطالبات برقرار ہیں۔

کریڈٹ: انڈیپنڈنٹ نیوز پاکستان-آئی این پی