نئے چیف جسٹس یحیی آفریدی کی تقریبِ حلف برداری آج (ہفتہ کو) ایوان صدر میں ہو گی ، صدرِ مملکت آصف علی زرداری آج 11 بجے نئے چیف جسٹس سے حلف لیں گے۔تقریبِ حلف برداری میں اعلی عدلیہ کے سینئر ججز، پارلیمنٹیرینز اور سرکاری حکام شرکت کریں گے۔ ایوانِ صدر سیکرٹریٹ نے مہمانوں کو دعوت نامے جاری کر دیئے ۔ نئے چیف جسٹس یحیی آفریدی کی تقریب حلف برداری کے حوالے سے جمعہ کو فل ڈریس ریہرسل ہو ئی ۔یاد رہے کہ 22 اکتوبر 2024 کو 12 رکنی خصوصی پارلیمانی کمیٹی نے یحیی آفریدی کو چیف جسٹس آف پاکستان کے عہدے پر تقرری کے لیے نامزد کیا تھا۔

کریڈٹ: انڈیپنڈنٹ نیوز پاکستان-آئی این پی