پی ٹی آئی کے چئیرمین بیرسٹر گوہر علی خان نے کہا ہے کہ مذاکرات کے دوران شرط نہیں مطالبات رکھے ہیں۔ڈسٹرکٹ اینڈ سیشن کورٹ میں میڈیا سے گفتگو کرتے ہوئے بیرسٹر گوہر نے کہا کہ انہوں نے 9 مئی کیس سے ڈسچارج ہونے کی درخواست دائر کی ہے، تمام مقدمات جعلی ہیں، سب میں بریت ہوگی۔انہوں نے کہا کہ پی ٹی آئی نے وزیراعظم اور دیگر کے خلاف کرمنل کمپلینٹ دائر کی ہے، دنیا بھر میں احتجاج کے دوران گولی نہیں چلی، مظاہرین احتجاج کیلئے بیٹھے بھی نہیں تھے کہ شیلنگ شروع کردی گئی۔ایک سوال کے جواب میں بیرسٹر گوہر نے کہا کہ بانی پی ٹی آئی نے اس سے قبل بھی مذاکرات کا کہا تھا، مذاکرات ضرور ہونے چاہئیں، سیاسی مسائل کا حل سیاسی بیٹھک سے ہی ہوتا ہے۔ انہوں نے کہا کہ مذاکرات کے دوران شرط نہیں رکھی لیکن مطالبات ضرور رکھے ہیں۔ان کا کہنا تھا کہ اس سے قبل بھی مذاکرات ہوئے لیکن ایک اسٹیج سے قبل رابطہ ختم ہوگیا۔ بیرسٹر گوہر نے کہا کہ بس اب بہت ہوگیا،اب بہتری کی طرف ملک کو بڑھانا چاہیے۔

کریڈٹ : انڈیپنڈنٹ نیوز پاکستان-آئی این پی