وفاقی وزیر پٹرولیم مصدق ملک نے کہا ہے کہ مذاکرات کے بغیر سیاسی پولرائزیشن اسی طرح رہے گی۔ ایک انٹرویو میں مصدق ملک کا کہنا تھا کہ نو مئی کو شہدا کے مجسموں کو جلایا گیا، اگر بانی پی ٹی آئی بے گناہ توعدالتیں رہا کریں گی، کشیدگی کو کم کرنے کا واحد طریقہ سب لوگ بیٹھ کربات کریں۔انہوں نے کہا کہ جب تک بات چیت نہیں ہوگی، سیاسی پولرائزیشن اسی طرح رہے گی۔انہوں نے کہا سانحہ اے پی ایس ایسا زخم شاید کبھی نہیں بھریگا، سانحہ اے پی ایس کے بعد ساری جماعتیں اکٹھی ہوگئی تھی۔ایک سوال کے جواب میں مصدق ملک کا کہنا تھا کہ بانی پی ٹی آئی کواپنا رویہ تبدیل کرکے آگے بڑھنا چاہیے، متفق ہوں! ہمیں بالکل بات کرنی چاہیے۔

کریڈٹ : انڈیپنڈنٹ نیوز پاکستان-آئی این پی