خیبرپختونخوا کے ضلع مردان میں میڈیکل کمپلیکس کے دو کلاس فور ملازمین نے ہسپتال میں بیوہ خاتون کو زیادتی کا نشانہ بنا ڈالا۔ پولیس نے دو میں سے ایک ملزم عزیز کو گرفتار کرلیا، جبکہ ہسپتال انتظامیہ نے والقعے میں ملوث ملزمان کو معطل کردیا۔گزشتہ روز مردان میڈیکل کمپلیکس ہسپتال کے دو کلاس فور ملازمین نے ہسپتال آئی 32 سالہ بیوہ خاتون سے زیادتی کی۔مبینہ ملزمان عزیز اور ذاکر ہسپتال کے سرکاری ملازمین ہیں۔خاتون جن کا تعلق مردان کے علاقے بخشالی سے ہے 4 جنوری کو گھر سے غائب ہوگئی تھیں، لیکن تقریبا ایک ہفتہ بعد گیارہ جنوری کو تھانہ شیخ ملتون پہنچ کر مبینہ ملزمان عزیز اور ذاکر کے خلاف جسنی زیادتی کا مقدمہ درج کرایا۔پولیس نے کارروائی کرتے ہوئے دو میں سے ایک ملزم عزیز کو گرفتار کرلیا جبکہ دوسرا ملزم فرار ہوگیا۔پولیس ملزم ذاکر کے گرفتاری کے خلاف چھاپے مار رہی ہے۔دوسری جانب میڈیکل کمپلیکس ہسپتال کی انتظامیہ نے ملوث اہلکاروں کو معطل کردیا ہے اور دونوں اہلکاروں کی معطلی کا نوٹیفکیشن بھی جاری کردیا گیا ہے۔ہسپتال انتظامیہ کا کہنا ہے کہ جرم ثابت ہونے پر دونوں کلاس فور ملازمین کی ملازمت ختم ہو سکتی ہے۔

کریڈٹ : انڈیپنڈنٹ نیوز پاکستان-آئی این پی