نشتر اسپتال ملتان کے ڈائیلسز یونٹ سے مریضوں میں ایڈز کی منتقلی پر معطل کی گئی وائس چانسلر کی حمایت میں اسپتال کے 31 فیکلٹی ممبر نے اجتماعی استعفی دے دیا۔مریضوں میں ایڈز پھیلنے کے معاملے پر نشتر اسپتال کی وائس چانسلر ڈاکٹر مہناز خاکوانی سمیت 5 ڈاکٹرز معطل کیے گئے تھے، فیکلٹی ممبران نے استعفے سیکرٹری ہیلتھ پنجاب کو بھجوادئیے۔فیکلٹی ممبر کا کہنا ہے کہ وائس چانسلر اور فیکلٹی ممبران کے ساتھ نامناسب رویہ اختیار کیا گیا۔ خیال رہے کہ نشتر اسپتال میں ایک ماہ قبل ڈائیلسز سے ایڈز کی منتقلی کا واقعہ پیش آیا تھا۔واقعے کے بعد وزیر اعلی پنجاب مریم نواز کے نوٹس پر نشتر اسپتال وائس چانسلر سمیت 5 ڈاکٹرز کو معطل کردیا گیا تھا۔واضح رہے کہ وائس چانسلر نشتر اسپتال کو گورنر پنجاب نے ذاتی حیثیت میں کل طلب کر رکھا ہے۔

کریڈٹ : انڈیپنڈنٹ نیوز پاکستان-آئی این پی