ملک میں جاری انٹرنیٹ بحران پرسینیٹ کی قائمہ کمیٹی کا اجلاس طلب کرلیاگیا،قائمہ کمیٹی برائے انفارمیشن ٹیکنالوجی کا اجلاس کل 5دسمبر(جمعرات) کو ہوگا۔چیئرپرسن پلوشہ خان قائمہ کمیٹی کے اجلاس کی صدارت کریں گی،اجلاس میں انٹرنیٹ کی سست روی اور نقصانات کا جائزہ لیا جائے گا،وزارت آئی ٹی 6 ماہ کے دوران آئی ٹی سیکٹرکو ہونے والے نقصان پر بریفنگ دے گی۔پاشا کی طرف سے جمع کرائی گئی پٹیشن بھی اجلاس میں زیرغورآئے گی،سیکرٹری وزارت کے بجٹ، اخراجات اورکنٹریکٹ ملازمین پربریفنگ دیں گے،این ٹی سی کی طرف سے اداریکی کارکردگی پر بریفنگ بھی دی جائے گی۔

کریڈٹ : انڈیپنڈنٹ نیوز پاکستان-آئی این پی