ملک کے ممتاز مصنف اور ڈرامہ نگار منو بھائی کی ساتویں برسی(آج) اتوار کو منائی جائے گی۔کالم نویس، دانشور اور صحافی منو بھائی 6 فروری 1933 کو وزیرآباد میں پیدا ہوئے اور وہ 50 سال سے زائد عرصے تک کالم نگاری سے منسلک رہے۔اس دن کے حوالے سے فیصل آباد سمیت ملک بھر میں تقریبات کا اہتمام کیا جائے گا۔منوبھائی نے پاکستان ٹیلی وژن کے لیے بہت سے ڈرامے لکھے۔ ان کا سب سے مشہور ڈرامہ سونا چاندی ہے۔سن 2007 میں انہیں صدارتی تمغہ برائے حسن کارکردگی سے بھی نوازا گیا۔ منو بھائی نے مختلف اخبارات میں ہزاروں کالم لکھے۔ غربت، عدم مساوات، سرمایہ دارانہ نظام، خواتین کا استحصال اور عام آدمی کے مسائل منو بھائی کے کالموں کے موضوعات تھے۔وہ متعدد اخبارات کے ساتھ منسلک رہے، خبر اور کالم میں قلم کی کاٹ سے معاشرے کی اچھائیوں اور برائیوں کو بے نقاب کیا۔منو بھائی19جنوری2018ء کو خالق حقیقی سے جا ملے۔

کریڈٹ : انڈیپنڈنٹ نیوز پاکستان-آئی این پی