ملک بھر میں رواں ماہ دسمبر میں بار شیں ہونے کی پیشگوئی کر دی گئی، رواں ماہ میں بارشوں کے تین اسپیل ہوں گے۔نجی ٹی وی سے گفتگو کرتے ہوئے محکمہ موسمیات کے ڈپٹی ڈائریکٹر عرفان ورک نے کہا کہ ملک میں دسمبر کے دوران وقفے وقفے سے بارشوں کے تین اسپیل ہونے کی توقع ہے۔پاکستان میں اگلے تین سے چار روز میں بارشوں کا سلسلہ شروع ہو گا، ان کا کہنا تھا کہ خیبرپختونخوا، شمال مشرقی پنجاب، جنوبی پنجاب، گلگت بلتستان اور کشمیر کے علاقوں میں بارش ہو گی۔اس وقت ملک کے بیشتر علاقوں میں خشک سردی کا راج ہے، دوسری جانب نومبر کے مہینے کو بارشیں نہ ہونے کی وجہ سے گرم ترین مہینہ بھی قرار دیا گیا ہے۔بارشیں نہ ہونے کی وجہ اسموگ میں بھی اضافہ ہو رہا ہے، دسمبر میں اسلام آباد، راولپنڈی اور گرد ونواح میں بھی بارشوں کی نوید سنائی گئی ہے، ان بارشوں سے سردی کی شدت میں مزید اضافہ ہو جائے گا۔دسمبر کے وسط میں بارشوں کا ایک اور سلسلہ شروع ہو گا، دسمبر کے آخر میں بارش ہونے کی توقع ہے۔اسلام آباد اور گرد و نواح میں موسم سرد اور خشک رہنے کا امکان ظاہر کیا گیا ہے۔ بلوچستان کے بیشتر اضلاع میں موسم سرد اور خشک رہنے کی توقع ہے۔

کریڈٹ : انڈیپنڈنٹ نیوز پاکستان-آئی این پی