ملیریا کے عالمی دن پر چیئرمین سینیٹ سید یوسف رضا گیلانی نے اپنے پیغام میں کہا ہے کہ ملیریا سے آگاہی اور اس سے نمٹنے کے لیے موثر حل تلاش کرنے کے لیے متحد ہونے کی ضرورت ہے، ملیریا ایک قابل علاج بیماری ہے، لیکن اس کے کنٹرول کیلئے تمام اسٹیک ہولڈرز کی مشترکہ کوششوں کی ضرورت ہے ،صحت سے متعلق عالمی معاہدوں کے دستخط کنندہ کے طور پر ملیریا پر قابو پانے کیلئے پر عزم ہے ،ملیریا کے عالمی دن پر، سینیٹ کے چیئرمین کی حیثیت سے ملیریا کو ہمیشہ کے لیے ختم کرنے کے اپنے عزم میں عالمی برادری کے ساتھ کھڑا ہوں، یوسف رضا گیلانی نے کہا کہ ملیریا پوری دنیا میں کمیونٹیز کیلئے خطرہ بن رہا ہے،خاص طور پر ان خطوں میں جہاں صحت کی دیکھ بھال اور وسائل تک رسائی محدود ہے ہم ملکر ایسے اقدامات اٹھا سکتے ہیں جہاں کوئی بھی ملیریا کا شکار نہ ہو آئیے ہم اس اہم دن پر ملیریا کے خاتمے کیلئے اپنی عہد کی تجدید کریں ملیریا کے خاتمے کیلئے ٹھوس اقدامات سے نہ صرف غربت کے خاتمے میں مدد ملے گی بلکہ پائیدار ترقی کے اہداف کے حصول کی جانب پیش رفت بھی ہو گی۔ واضح رہے کہ ملیریا کا عالمی دن، ہر سال 25اپریل کو منایا جاتا ہے۔

کریڈٹ: انڈیپنڈنٹ نیوز پاکستان-آئی این پی