پاکستانی نوبل انعام یافتہ و سماجی کارکن ملالہ یوسف زئی کی برطانوی میوزیکل کامیڈی ویب سیریز کی پہلی جھلک جاری ہوتے ہی وائرل ہوگئی۔غیر ملکی میڈیا رپورٹس کے مطابق ایکسٹرا کریکیولر نامی فلم پروڈکشن ہاوس سے پروڈکشن کی دنیا میں قدم رکھنے والی ملالہ یوسف زئی اب ویب سیریز وی آر لیڈی پارٹس کے سیزن 2 میں نظر آئیں گی۔ ویب سیریز کا دوسرا سیزن امریکی اور برطانوی چینلز پر نشر کیا جائیگا، جس میں ملالہ یوسف زئی مختصر کردار میں دکھائی دیں گی۔ملالہ یوسف زئی جلد برطانوی ویب سیریز میں نظر آئیں گی۔مختلف سوشل میڈیا پلیٹ فارمز پر اس ویب سیریز کی پہلی جھلک وائرل ہوگئی ہے، جس میں سب سے کم عمر نوبل امن انعام یافتہ ملالہ یوسف زئی کو مغربی لباس میں دکھایا گیا ہے۔وائرل ہونے والی تصویر میں ملالہ یوسفزئی شو کی دیگر کاسٹ کے ساتھ کا بوائے ٹوپی پہنے گھوڑے پر بیٹھی نظر آرہی ہیں۔برطانوی میوزیکل کامیڈی ویب سیریز ملالہ یوسفزئی کو میوزیکل بینڈ کے رکن کے طور پر دکھایا گیا ہے، جبکہ اس بینڈ میں انجانا وسان، سارہ کمیلا امپی، جولیٹ موٹامڈ، فیتھ اومول اور لوسی شارٹ ہاس سمیت دیگر بھی شامل ہیں۔میڈیا رپورٹس کے مطابق ویب سیریز کے سیزن 2 میں بینڈ کی واپسی دکھائی گئی ہے، جو اپنے پہلے برطانوی دورے کے بعد ایک نئے مشن پر ہے، اسے اپنے حریف بینڈ کو تلاش کرنا ہے جو ان کی ساکھ کو نقصان پہنچا رہا ہے۔

کریڈٹ: انڈیپنڈنٹ نیوز پاکستان-آئی این پی