خیبر پختونخوا کے علاقے ملاکنڈ میں موٹر وے پولیس کی گاڑیوں پر نامعلوم افراد کی فائرنگ سے ایک اہلکار زخمی ہوگیا۔تفصیل کے مطابق ملاکنڈ میں ایکسپریس وے ٹنل کے قریب موٹروے پولیس کی گاڑیوں پر فائرنگ کے نتیجے میں موٹروے پولیس کا ایک اہلکار زخمی ہوگیا، جسے فوری طور پر اسپتال منتقل کر دیا گیا۔ حکام کے مطابق ایکسپریس وے ٹنل کے قریب نامعلوم مسلح افراد نے موٹروے پولیس کی گاڑیوں پر اندھا دھند فائرنگ کر دی، جس کے نتیجے میں موٹروے پولیس کا اہلکار زخمی ہوا، واقعہ کی مزید تحقیقات جاری ہیں۔

کریڈٹ: انڈیپنڈنٹ نیوز پاکستان-آئی این پی