سینیٹ کا اجلاس غیر معینہ مدت تک کے لیے ملتوی کردیا گیا۔ ڈپٹی چیئرمین سینیٹ سیدال خان کی زیر صدارت ایوان بالا کا اجلاس شروع ہوا جس میں سینیٹر مولانا عطا الرحمان نے قادیانیوں کو غیر مسلم قرار دینے کی یادگاری قرارداد پیش کی۔ قرارداد کے متن کے مطابق 7 ستمبر 1974 کا دن صرف پاکستان نہیں دنیا بھر کے مسلمانوں کے لیے تاریخی تھا، اس دن مسلمانوں کی ایک طویل جدو جہد کامیاب ہوئی۔ قرار داد میں مطالبہ کیا گیا کہ سینیٹ حکومت کو تجویز کرتا ہے کہ اس دن کو سرکاری سطح پر منایا جائے، قادیانیوں کو غیر مسلم قرار دینے کے دن قومی تعطیل دی جائے۔ بعدازاں سینیٹ کا اجلاس غیر معینہ مدت تک کے لیے ملتوی کردیا گیا، یاد رہے کہ مجوزہ آئینی ترمیم کے حوالے سیایوان بالا کا اجلاس پیر کو دن ساڑھے 12 بجے طلب کیا گیا تھا۔

کریڈٹ: انڈیپنڈنٹ نیوز پاکستان-آئی این پی