محکمہ وائلڈ لائف پنجاب کی دریائے سندھ سے ملحقہ ایریا دریا خان ضلع بھکر میں کارروائی کرتے ہوئے شکار میں استعمال ہونے والی 8 کونجوں کو برآمد کرلیا، جبکہ ملزمان فرار ہوگئے۔ تفصیل کے مطابق محکمہ وائلڈ لائف کا پنجاب بھر میں کومبنگ آپریشن جاری ہے، محکمہ وائلڈ لائف نے ضلع بھکر کے علاقے دریا خان میں کارروائی کرتے ہوئے شکار میں استعمال ہونے والی 8 کونجوں کو برآمد کرلیا، جبکہ کارروائی کے دوران ملزمان اپنا سامان چھوڑ کر فرار ہوگئے۔محکمہ وائلڈ لائف کے مطابق چیف وائلد لائف رینجرز پنجاب کو گونجوں کا شکار کرنے کی خفیہ اطلاع ملی تھی۔ سرگودھا ریجن کی فیلڈ فارمیشن اور سپیشل اسکواڈ کو دریا خان روانہ کیا گیا۔غیر قانونی طور پر گونجوں کا شکار کرنے پر کارروائی عمل میں لائی گئی۔ ٹیم کو دیکھتے ہی شکاری اپنا سامان چھوڑ کر موقع سے فرار ہوگئے۔ وائلڈلائف ٹیم نے شکار میں استعمال ہونے والی 8 گونجوں کو برآمد کر لیا۔ اہلکاروں نے شکاریوں کی کمین گاہ کو جلا دیا۔ جبکہ شکار کا سامان ضبط کر لیا گیا۔
کریڈٹ: انڈیپنڈنٹ نیوز پاکستان-آئی این پی