محکمہ خزانہ پنجاب نے سابق وزیراعلی پنجاب پرویز الہی کے حکم پر جاری ہونے والے 180 ارب روپے کے فنڈز روک لئے ۔ ذرائع کا کہنا ہے کہ محکمہ خزانہ کی جانب سے سابق وزیراعلی پنجاب پرویزالہی ارکان صوبائی اسمبلی اور وزرا کے ترقیاتی فنڈز روکے گئے ہیں، جب کہ سابق وزیراعلی کے پرنسپل سیکرٹری محمد خان بھٹی کے اضلاع کا بجٹ بھی روک لیا گیا ہے۔ سابق وزیر اعلی پنجاب پرویز الہی کی جانب سے گجرات، منڈی بہاوالدین سمیت من پسند علاقوں پر کھولے کے خرانوں کے منہ کو محکمہ خزانہ نے بند کردیا ہے، اور تمام ترقیاتی اسکیموں کو روک دیا ہے۔ محکمہ خزانہ پنجاب نے سابق وزیر اعلی کے پرنسپل سیکرٹری محمد خان بھٹی کے اضلاع کا بجٹ کو روکنے کا بھی حکم دے دیا ہے۔

کریڈٹ: انڈیپنڈنٹ نیوز پاکستان-آئی این پی