وفاقی حکومت نے مدارس رجسٹریشن بل پر جے یو آئی سربراہ مولانا فضل الرحمان کو اعتماد میں لینے کا فیصلہ کیا ہے ۔تفصیل کے مطابق حکومت نے مدارس رجسٹریشن بل پر ڈیڈلاک ختم کرنے کی کوششیں تیز کردیں اور مولانا فضل الرحمان کو اعتماد میں لینے کا فیصلہ کرلیا۔حکومتی ذرائع نے بتایا ہے کہ مولانافضل الرحمان کے تحفظات دور کئے جائیں گے، اس سلسلے میں حکومت اور جے یو آئی میں رابطے ہوئے۔ مدارس رجسٹریشن بل میں حکومت کی طرف سے بعض تبدیلیاں لائی گئی ہیں ، مجوزہ تبدیلی کے مسودے پر جے یو آئی سے مشاورت کی جائیگی۔ذرائع جے یو آئی کا کہنا ہے کہ حکومتی رابطوں سے مولانافضل الرحمان کوآگاہ کردیاگیا ہے، بل میں تبدیلی پر مشاورت کے بعد فیصلہ کیاجائے گا۔ یاد رہے وزیراعظم شہبازشریف نے مسلم لیگ ن کے صدر نوازشریف کو مولانافضل الرحمان کے مدارس بل پر اعتماد میں لیا، جس پر پارٹی صدر نے بھی شہبازشریف کو مفاہمت کامشورہ دیا تھا۔

کریڈٹ : انڈیپنڈنٹ نیوز پاکستان-آئی این پی