سپیکر قومی اسمبلی سردار ایاز صادق نے اٹک میں اسکول وین پر فائرنگ کی شدید مذمت کرتے ہوئے فائرنگ کے نتیجے میں دو کمسن بچوں کے جانی نقصان پر گہرے دکھ اور افسوس کا اظہار کیا ہے۔جمعرات کو اپنے مذمتی بیان میں سپیکرنے کہا کہ معصوم بچوں پر حملے کا سن کر دلی دکھ ہوا، معصوم بچوں پر حملہ کرنے والے کسی رعایت کے مستحق نہیں۔ انہوں نے کہا کہ ذمہ داران کے خلاف سخت سے سخت قانونی کارروائی ہونی چاہیئے۔ سردار ایاز صادق نے بچوں کے اہل خانہ سے دلی تعزیت کا اظہار کیا اور اللہ تعالی سے دونوں کمسن بچوں کے درجات کی بلندی اور زخمیوں کی جلد صحت یابی کی دعاکی۔

کریڈٹ: انڈیپنڈنٹ نیوز پاکستان-آئی این پی