بانی پی ٹی آئی کی ہمشیرہ علیمہ خان نے کہا ہے کہ اگر ہم نے یہ جلاو گھیرا وکیا تو ہمیں جیل بھیج دیں ، اگر یہ ثابت نہیں تو ہمیں چھوڑ دیں ذلیل نہ کریں۔ لاہور میں میڈیا سے گفتگو کرتے ہوئے علیمہ خان نے کہا کہ ہم کئی ماہ سے عدالت آ رہے ہیں ادھر جج ہی نہیں ہے ، ہائیکورٹ سے کہتی ہوں کہ یہ تماشا بند کرا دیں۔انہوں نے کہا کہ جیل میں جب کوئی بیمار ہوتا ہے اس کود یکھنا چاہیے۔ چیف جسٹس ہائیکورٹ سے اپیل ہے کہ بے گناہ لوگوں کو جیلوں سے نکالا جائے، ہم اب جیلوں کے باہر بیٹھ جائیں گے۔ علیمہ خان کا کہنا ہے کہ پولیس ہم پر ظلم کرنے کے لیے نہیں ہماری حفاظت کے لیے ہے۔ اللہ کی عدالت میں سب ججز نے جواب دینا ہے۔

کریڈٹ: انڈیپنڈنٹ نیوز پاکستان-آئی این پی