سابق صدر مملکت اور پی ٹی آئی رہنما عارف علوی کا کہنا ہے کہ ہم اداروں کے خلاف نہیں افراد کے خلاف ہیں۔ کراچی میں میڈیا سے گفتگو کرتے ہوئے عارف علوی نے کہا کہ میڈیا، عدلیہ اور ریاست بند گلی میں ہو تو کوئی بھی نقصان کر سکتا ہے، ان بارہویں کھلاڑیوں کا شکریہ ادا کرتا ہوں جو ہمیں مقبول کررہے ہیں۔ انہوں نے کہا کہ ہم اداروں کے خلاف نہیں افراد کے خلاف ہیں، میڈیا، عدلیہ اور ریاست بند گلی میں ہو تو کوئی بھی نقصان کرسکتا ہے، بانی پی ٹی آئی نے کہا کہ 1971 میں یحیی خان کی وجہ سے نقصان ہوا، بھٹو نے محمود الرحمان کمیشن رپورٹ کو شائع ہونے نہیں دیا تاکہ پردہ رہے، ہم نے محمود الرحمن کمیشن سے کچھ نا سیکھا نا کارگل سے۔ سابق صدر کا کہنا تھا کہ دو سال سے کہہ رہے ہیں مذاکرات ہونے چاہیئں لیکن مذاق ڑایا جاتا ہے۔ جب پریشر پڑے گا تو پریشر کوکر پھٹے گا، یہ معیشت ٹھیک نہیں ہوگی جب تک ساتھ کھڑے نہیں ہونگے۔سابق صدر نے کہا کہ میں ابھی بتا سکتا ہوں کس کس کو کیا کیا کہا گیا ہے، ملک صحیح راہ پر گامزن ہو سکتا ہے اگر انا ختم ہو جائے۔

کریڈٹ: انڈیپنڈنٹ نیوز پاکستان-آئی این پی