بانی پی ٹی آئی عمران خان کی اہلیہ بشری بی بی کی بہن مریم ریاض وٹو نے بشری بی بی کے اغوا کیے جانے کے خدشات کا اظہار کیا ۔اپنے ایک بیان میں مریم ریاض وٹو نے کہا کہ کچھ لوگ کہہ رہے ہیں کہ بشری بی بی گرفتار ہوگئی ہیں اور کچھ کہہ رہے ہیں کہ وہ کے پی پہنچ گئی ہیں، لگتا ہے بشری بی بی کو زبردستی اغوا کر کے لے جایا گیا ہے۔ اپنے تحفظات کا اظہار کرتے ہوئے انہوں نیکہا کہ بشری بی بی کے پی میں ہوتیں اور خیریت سے ہوتیں تو ضرور فیملی سے رابطہ کرتیں۔ مریم نواز وٹو نے کہا کہ بشری بی بی نے لائحہ عمل بتا دیا تھا کہ دھرنے کو ختم کرنے کا حق صرف بانی کے پاس ہے، پی ٹی آئی کی سیاسی کمیٹی کے پاس دھرنے کو ختم کرنے کا اختیار نہیں۔اس سے پہلے اپنے بیان میں مریم ریاض وٹو کا کہنا تھا کہ بشری بی بی اب بھی اسلام آباد ہی میں ہیں۔ بشری بی بی ڈٹی ہوئی ہیں ،وہ یہ بات کہتے ہوئے انتہائی جذباتی ہوگئی تھیں۔

کریڈٹ: انڈیپنڈنٹ نیوز پاکستان-آئی این پی