دہشت گرد نیٹ ورک کے خلاف سی ٹی ڈی کا بڑا کریک ڈائون ، تین شہروں سے پانچ دہشت گرد گرفتار کرلیے گئے،کائونٹر ٹیررزم ڈیپارٹمنٹ (سی ٹی ڈی )حکام کے مطابق دہشتگردوں کیخلاف کارروائی کرتے ہوئے تین شہروں سے پانچ دہشتگردوں کو گرفتار کرلیا گیا ہے ، گرفتار ملزمان میں کالعدم القاعدہ کا اہم کمانڈر بھی شامل ہے ،سی ٹی ڈی حکام کے مطابق گرفتار دہشت گردوں کی شناخت فاروق شاہ ، سیف اللہ ، سید شاہ زیب ، احمد خان ، اسرار احمد کے نام سے ہوئی ہے ،سی ٹی ڈی حکام کا کہنا تھا کہ دہشت گردوں کے قبضے سے خود کش جیکٹ بنانے کا سامان ، بارودی مواد ، اسلحہ ، ممنوعہ لٹریچربھی برآمد کیا گیا ہے ،حکام کے مطابق گرفتار دہشت گرد حساس اضلاع میں دہشت گردی کی منصوبہ بندی مکمل کرچکے تھے،سی ٹی ڈی حکام کا بتانا تھا کہ سی ٹی ڈی نے رواں ہفتے 504کومبنگ آپریشنز میں 21ہزار سے زائد افراد کو چیک کیا ، 153مشتبہ افراد کی گرفتاری عمل میں لائی گئی جبکہ کارروائیوں کے دوران 67بازیابیاں بھی کی گئیں ۔

کریڈٹ: انڈیپنڈنٹ نیوز پاکستان-آئی این پی