لاہور کے سرحدی علاقے ہئیر میں مبینہ پولیس مقابلے کے دوران ایک ڈاکو مارا گیا۔ پولیس کے مطابق ہلاک ہونے والے ڈاکو نے ساتھی کے ہمراہ کاہنہ کے علاقے لکھوکی اسٹاپ کے قریب فیکٹری میں واردات کی، چوکی انچارج لکھوکی نے ٹیم کے ہمراہ تعاقب کیا تو ڈاکوں نے فائرنگ کر دی۔ پولیس کا کہنا ہے کہ جوابی کارروائی کے نتیجے میں ایک ڈاکو ہلاک اور اس کا ساتھی فرار ہو گیا، فرار ہونے والے ملزم کی تلاش کے لیے علاقے کی ناکہ بندی کر دی گئی ہے۔ پولیس کے مطابق ہلاک ڈاکو کی شناخت نثار کے نام سے ہوئی، وہ بیدیاں گاں کا رہائشی تھا۔

کریڈٹ: انڈیپنڈنٹ نیوز پاکستان-آئی این پی